حبيباتي و اخواتي الكرام جربنا وصفات كتير في التنزيل و لو حتى نزل وزننا شوية و يرجع تاني
و اخيرا لقيت الحل الجنزبيل
و مش اي جنزبيل الجنزبيل الاخضر و الله تحفة
تفطري و تتغدي و تتعشي و تاخدية يجنن فعلا
مثلا لو فطرتي تاخدي و را الفطار علطول قطعة جنزبيل خضرا تقشريها و تاكليها حتة كدة قد حجم المشمشة يعني مش صغيرة قوى و لا كبيرة قوي و طبعا تشربيلك بعديها كام كباية مايه علشان طعمه حراق شوية
و برضة بعد الغدا و العشا
انا بصراحة عملت رجيم لحد ما وصل وزني ل 65 و ثبت عند الحد ده و انا بعد كده مقدرتش على نفسي بدأت اكل بس باكل بشراهة بس بعد كل وجبة اخد الجنزبيل و كل ما كان الاكل دسم كبرت حتة الجنزبيل شوية و الحمد لله وزني لسة زي ما هوه
بس ناوية ابطل العشا او اخليه فاكهة بس علشان عاوزة انزل كمان شوية فطبعا هفطر و اتغدى و اخد الجنزبيل طبعا ورا الوجبة علطول و بعد كدة في العشا نخليها فاكهة بس يعني برتقالة او تفاحه بس و كمان هاخد وراها الجنزبيل وهتابع معاكوا النتايج
بس للامانة و بما اني صيدلانية اصلا عايزة اقولكوا على حاجة مهمة
اللي مستية حمل او عايزة تحمل قريب تنسي موضوع الجنزبيل ده علشان هوا بيساعد على سيولة الدم يعني مش هيثبت حمل ليها اما اللي لسة بدري عليها او مش بتفكر في الموضوع ده اصلا تاخد الجنزبيل و هيه مطمنة تماما لانة زي القرفة بالضبط امهاتنا كانت بتقولنا اوعي تاخدي القرفة و انتى حامل علشان مش بتثبت و بتخلينا ناخدها و احنى علينا الدورة الشهرية علشان بتساعد على طرد الدم و بتخفف التقلصات
نسيت اقولكم على حاجة كمان انا لما بتكون الوجبة دسمة قوي باخد بعديها كمان كباية ماية عليها معلقتين خل تفاح يعنى علشان هوه و الجنزبيل يساعدوا على الحرق السريع للاكل

لأى سؤال او معلومة عايزة تعرفيها بخصوص الموضوع اتركى سؤالك فى تعليق واحنا هيسعدنا الاجابة عليكى بأقصى سرعة موقع عالم ستات وبنات

4 تعليقات

  1. لو سمحتم كم كيلو غرام في اسبوع بتنزل الست بعد الوصفة هاي وشكرا الكم

    ردحذف
  2. مشكورة يا قمر على التعليق والاجابة هى:
    ان الوصفة ديه فعالة بشكل كبير فى انقاص الوزن وحرق الدهون لان الجنزبيل مفيد جدااا فى التخسيس ولكن مقدرش اقول لك هتنقص وزنك اد ايه لان ده بتوقف على عدة اشياء منها وزنك الحالى و هل انتى معدل الحرق عندك مظبوط ولا لأ بس عشان اطمنك الوصفة ديه هايلة جدااا يعنى هتخسسك اكيد

    ردحذف
  3. طب انا عاوزه اعرف الجنزبيل الاخضر ده بيتجاب منين وفي ناس بتقول ان ان شرب الجنزبيل المطحون والقرفه المطحون والكمون ولمون وبنحطهم في ميا مغليه ونشربهم بعد الوجبه وشكرا

    ردحذف
  4. الجنزبيل الطازج مش هتلاقيه غير فى السوبرماركت الكبيرة مثل مترو ماركت والجنزبيل مفيد جدا جدا فى التنحيف والتخسيس

    ردحذف

إرسال تعليق

أحدث أقدم